ආයුබෝවන්!

මාතර බෝධි ආරක්ෂක සභාව වෙත කරුණාවෙන් පිළිගනිමු.

ඉතිහාසය

ක්‍රි.ව. 515 තරම් ඈතට දිවයන ඵෙතිහාසික පසුබිමක් සහිත බෝධිරාජයාණෝ මාතර නගර මධ්‍යයේ ශාන්තව නැගී සිටී

සේවාවන්

මහජනතාවගේ දායකත්වය ලැබෙන ආකාරයට සමාජ සේවා කටයුතු රාශියක් ඉටුකිරීමට මාතර බෝධි ආරක්ෂක සභාව යොමු වී සිටී

සාමාජිකත්ව මණ්ඩලය

මාතර බෝධි ආරක්ෂක සභාව නාගරික ව්‍යාපාරික ප්‍රජාවේ මුල් පුටුවල එකතුවකි. සභාවේ වර්තමාන අධ්‍යක්ෂක මණ්ඩලය මෙසේය.

දැයට සෙවන සදන මාතර බෝධිය

මාතර බෝධි ආරක්ෂක සභාව



නිවැරදි නායකත්වය

මාතර බෝධි ආරක්ෂක සභාව ආරම්භයේ සිටම මහා සංඝරත්නයේ පූර්ණ අනුශාසකත්වය යටතේ සකල ජන සුබසෙත උදෙසාම කැපවූ ආදර්ශවත් පුණ්‍ය ආයතනයකි.

කාලීන ධර්ම කථිකා

යුගයේ අවශ්‍යතාවන්ට අනුකූලව මනා කළමණාකාරීත්වයකින් යුතුව දනන් සිත් පහදමින් සද්ධර්මයට සිත් යොමු කරවයි.


ධර්ම දේශනා

අප භාග්‍යවත් ගෞතම බුදු රජාණන් වහන්සේගේ ශිෂ්‍ය භික්ෂූන් වහන්සේලා විසින් ඒ සම්බුද්ධ දේශනා මනාකොට දේශනා කරනු ලබන්නේ අප බෝ සමිඳුන් සෙවනේ සිටයි.

නිබඳ සවියක්ව...

ශ්‍රී ලාංකික මිනිස් අවශ්‍යතාවන් මැනවින් හඳුනමින් ඒ සඳහා වූ බෞද්ධ පසුබිම සකසමින් සෑම විටම පෙරමග පිහිටක් වන්නට සෙවනක් වන්නට සැදී පැහැදී සිටී.

මෙත් සිතින් සෙත් පතමු

මාතර බෝධි ආරක්ෂක සභාව

අනගාරික ධර්මපාල ගුණසැමරීම වෙනුවෙන් මාතර රෝහලේ ළමා (14) වාට්ටුව අනර්ඝ ලෙසින් නවීකරණය කොට පහසුකම් නංවාලීම වෙනුවෙන් මාතර බෝධි ආරක්ෂක සභාවට ස්තූති පූර්වකව පිං අනුමෝදන් කරමු.

ශාන්ත කුමාර, ළමා රෝග විශේෂඥ වෛද්‍ය

මාතර රෝහලේ 26 වාට්ටුව ප්‍රතිසංස්කරණය කොට රෝගීන්ගේ සහ කාර්යමණ්ඩලයේ පහසුව නංවාලීමට කටයුතු කල මාතර බෝධි ආරක්ෂක සභාවට පිං අනුමෝදන් කරමු. පිං අනුමෝදන් වේවා!

වෛද්‍ය කහඳගම මහතා, 26 වාට්ටු භාර ප්‍රධාන වෛද්‍ය නිළධාරී

පුණ්‍යානුමෝදනාව

බෝමළුවේ පැවැත්වෙන ධර්ම දේශනාමය හා මහා බෝධි පූජාමය පිංකම් වලට මෙන්ම වසරක් පාසා ජනවාරි 01 දින පැවැත්වෙන හීල් දානමය පිංකමටද සහභාගී වන මාතර නගරයේ හා අවට විහාර හා පිරිවෙන් විද්‍යායතන වලින් වැඩම කරන නායක, අනුනායක හා අනෙකුත් මහා සංඝරත්නය නමස්කාර පූර්වකව ගෞරවයෙන් සිහිපත් කරමු.

බෝධි ආරක්ෂක සභාවේ දානමය පිංකම් වලදී අවශ්‍ය මේස පුටු හා පිඟන් කෝප්ප ආදිය නොමිලයේ සැපයීමෙන් මාතර ගබඩා වීදියේ ධර්මදාස ස්ටෝර්ස් අධිපති අප ගරු සාමාජික සරත් හේවා පතිරණ මහතා හා පරිත්‍රාන ධර්ම දේශනාවලදී නොමිලයේ පිරිත් මණ්ඩප හා ආසන ලබා දෙමුන් සී.ඒ. නදුන් නිරෝෂන් මහතා විසින් සිදු කරන සේවය සෑම වසරකදීම නොමසුරුව මෙම සභාව වෙත ලබා දීමෙන් සිදු කරගත් පුණ්‍ය කර්මය කෘතඥතා පූර්වකව සඳහන් කරමු. එතුමන්ලාගේ සියලු ව්‍යාපාර කටයුතු තවදුරටත් දියුණුවට පත්වේවායි ද එතුමන්ලා ඇතුළු පවුලේ සැමට දීර්ඝායුෂ ලැබේවායි ද ආශිර්වාද කරමු.

අප සභාවේ පරලෝ සැපත් පෙර සභාපතිතුමන්ලාට ද සියලුම ගරු සාමාජික මහත්වරුන්ට ද කෘතවේදීව පිං අනුමෝදන් කරමු.

මෙම සිද්ධස්ථානයේ නානාවිධ පූජෝපාහාර පැවැත්වීමෙන් හා විවිධ පූජා භාණ්ඩ පරිත්‍යාග කිරීමෙන් ද මුදල් ආධාර පිරිනැමීමෙන් ද සහයෝගය දුන් සැමට ත්‍රිවිධ රත්නයේ පිහිට හා මාතර ඓතිහාසික බෝ සම්ඳූන් අධිගෘහිත සියලු දෙවියන්ගේ ආශිර්වාදය ලැබී සුඛිත මුදිත වේවායි ප්‍රාර්ථනා කරමුන් පිං අනුමෝදන් කරමු.

මෙම පූජා භූමියේ ආරක්ෂාව සම්බන්ධයෙන් ඉතා උනන්දුවෙන් ක්‍රියා කරන නියෝජ්‍ය පොලිස්පතිතුමා සහ මාතර පොලිසියේ සහකාර පොලිස් අධිකාරී හා මූලස්ථාන පොලිස් පරීඏකතුමා ඇතුළු සියලුම පොලිස් නිලධාරීන්ට ප්‍රශංසාත්මකව පිං දෙමු.

බෝධි ආරක්ෂක සභාවේ වැඩ කටයුතු වලදී විවිධ අයුරින් උදව් උපකාර කළ දිස්ත්‍රික් ලේකම්තුමිය, අතිරේක දිසාපතිතුමා, ප්‍රාදේශීය ලේකම්තුමා ඇතුළු රාජ්‍ය හා පළාත් පාලන ආයතනවල සියලුම නිලධාරීන්ට, සියලුම සංස්ථා හා ව්‍යවස්ථාපිත මණ්ඩලවල සේවයේ නියුතු සැමටත්, ලංකා බැංකුව අධි ශ්‍රේණි ශාඛාවේ කළමනාකාර තුමිය ඇතුළු සියළුම කාර්යය මණ්ඩලයටත්, මාතර මහ රෝහලේ වෛද්‍ය අධිකාරීතුමිය, පෙර අධිකාරීතුමා ඇතුළු සමස්ථ කාර්ය මණ්ඩලයටත් මාතර මහ රෝහලේ ඉදිකරනු ලබන ගොඩනැගිලි අධීඏණය කරමුන් නොමිලයේ තම සේවාව ලබාදුන් ගෙඩනැගිලි දෙපාර්තමේන්තුවේ ප්‍රධාන ගොඩනැගිලි ඉංජිනේරු මහත්මියටත් අතපසුවීමකින් හෝ අමතක වීමකින් හෝ මෙහි සඳහන් නොවන සියලුම දෙනාටත් තුණුරුවන් පෙරටු කොට සියලු දෙවියන්ගේ දේවාශිර්වාදය ලැබේවායී ප්‍රාර්ථනා කරමුන් ස්තුති පූර්වකව පිං දෙමු.

අප සභාව මගින් සිදුකරන සියලුම යහපත් කටයුතු වලට ධෛර්ය හා නන් අයුරින් උපදෙස් දෙමුන් සාමුහිකව අපේක්ෂිත අරමුණ සාර්ථක කර ගැනීමට ඇප කැප වෙමුන් සහාය දැක්වූ සභාපතිතුමා, භාණ්ඩාගාරිකතුමා ඇතුළු ගරු සාමාජික මහතුන්ට කෘතඥතා පූර්වකව පිං දෙමු. ව්විධාකාරයෙන් බෝධි ආරක්ෂක සභාවේ සේවයේ නියුතු සමස්ථ කාර්ය මණ්ඩලය විසින් දෙන ලද අගනා සහයෝගය භක්තියෙන් හා කැපවීමෙන් කරන ලද සේවය නිසා බෝධි ආරක්ෂක සභාවේ කාර්යයන් වඩාත් පහසු වන බව කෘතඥතා පූර්වකව සඳහන් කරන අතර ඔවුන් සියලු දෙනාටම ස්තුතිවන්ත වෙමු.

ඉහත සඳහන් පරිදි වෙන් වෙන් වශයෙන් සඳහන් නොකළත් මෙම ස්ථානයේ බෝධි ආරක්ෂක සභාවේ කටයුතු ඇසුරින් තම සිතුවිලි යහමගට යොමු කරන්නා වූ සියලුම පිංවතුන්ට ආශිර්වාද පූර්වකව පිං දෙමින් සියලු දෙනාගේ අභිප්‍රායයන් සාර්ථක වේවායි පතමු.

මුදල් විශ්ලේෂණය

මාතර බෝධි ආරක්ෂක සභාව


ශිෂ්‍යත්ව

ශිෂ්‍යත්ව පිරිනැමීම සඳහා වැය කර ඇති මුදල

ආරෝග්‍ය සේවා

මාතර මහ රෝහල නගා සිටුවීම හා බෙහෙත් ද්‍රව්‍ය සඳහා

ශාසනික සේවා

බුදු සසුනේ චිරස්ථිය උදෙසා කරන ලද පරිත්‍යාග

නඩත්තු කටයුතු

ආයතනයේ මනා පැවැත්ම උදෙසා කරන ලද වියදම්

ඡායාරූප සහ නවතම ලිපි එකතුව

මාතර බෝධි ආරක්ෂක සභාව


අද 2015-01-27 දින පෙරවරුවේ පවත්වන කප්රුක පූජාවේ සජීවී විකාශය

මාතර බෝධි ආරක්ෂක සභාව විසින් වාර්ෂිකව පවත්වන්නට යෙදෙන පරිත්‍රාණ ධර්ම දේශනාව මේ අවස්ථාවේ සජීවීව විකාශය වේ.

මාතර බෝධි ආරක්ෂක සභාව විසින් වාර්ෂිකව පවත්වන්නට යෙදෙන පරිත්‍රාණ ධර්ම දේශනාව මේ අවස්ථාවේ සජීවීව විකාශය වේ.

ඔබත් දායකවන්න

මාතර බෝධි ආරක්ෂක සභාව

දැක්ම

ආගමික අධ්‍යාපන, සංස්කෘතික හා සමාජයීය ව්‍යාපෘතීන් හරහා පොදුජන මෙහෙවරක නිරතවීම

අප හා එක්වන්න

  • බෝධි ආරක්ෂක සභාව, ධර්මපාල ම‍ාවත, මාතර, ශ්‍රී ලංකාව
  • Phone: +94 41 222 2983
  • Email: i[email protected] 

තොරතුරු ලිපි

මාතර බෝධි ආරක්ෂක සභාවේ නවතම එමෙන්ම විශේෂ පුවත්වලින් සැනෙකින් දැනුවත්වීමට ලියාපදිංචි වන්න.